Ein Gwaith

Mae’r Gymuned yn ennill ei bywoliaeth trwy wneud afrlladennau, a ddefnyddir wrth ddathlu ‘r ewcharist. Y mae gan bob aelod o’r Gymuned ryw gysylltiad â’r diwydiant hwn, ac fe anfonir yr afrlladennau I bob rhan o Brydain a thramor.

Mae gennym hefyd westy bychan yn y fynachlog, lle croesewir encilwyr a rhai sy’n dod am ‘diwrnod tawel’.

Rydym yn cadw gardd dawel ar gyfer gwesteion ac encilwyr, yn ogystal â gardd y gymuned yn y clwysty, sy’n cynhyrchu pot-pourri. Yn ddiweddar rydym wedi datblygu ‘polydwnel’ a gwely uchel, sydd bellach am yr ail dymor yn rhoi llysiau ffres a salad inni yn ystod misoedd yr haf .

Mae gennym hefyd bum erw o goetir at ddefnydd y Gymuned a gwesteion, ac ar hyn o bryd rydym yn ystyried y dewisiadau ar gyfer datblygu ffynhonnell danwydd naturiol ar ein tir. Fe ariennir y gwaith yma'n rhannol gan Gomisiwn Coedwigaeth Cymru drwy gynllun grant Coetiroedd Gwell i Gymru.